लगातार चौथो दिनसम्म सुनचाँदीको मूल्यमा भारी गिरावट

काठमाडौं । नेपाली स्थानीय बजारमा लगातार आज चौथो दिन पनि सुनचाँदीको मूल्य घटेको छ । आज छापावाला सुनको मूल्य प्रतितोला ८ सय रुपैयाँले घटेर ९२ हजार २ सय रुपैयाँमा कारोबार भइरहेको नेपाल सुिाचाँदी व्यवसायी महासङ्घले जनाएको छ । हिजो छापावाला सुनको मूल्य प्रतितोला ९३ हजार रुपैयाँ थियो ।

यस्तै तेजाबी सुनको मूल्यमा पनि प्रतितोला ८ सय रुपैयाँले गिरावट आएको छ । महासङ्घले दिएको जानकारी अनुसार हिजो ९२ हजार ५ सय रुपैयाँमा कारोबार भएको सुन आज ९१ हजार ७ सयमा किनबेच भइरहेको छ ।

त्यस्तै चाँदीको मूल्यमा पनि भारी गिरावट आएको छ । आइतबार प्रतितोला १ हजार २ सय ७० रुपैयाँमा मा कारोबार भएको चाँदी आज १ हजार २ सय ३० रुपैयाँमा किनबेच भइरहेको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

सम्बन्धित समाचार