प्रमाण यहाँ, हाजीर छ मुटु साक्षत मेरो

       गजल

छ तिमीलाई सम्झिरहने आदत मेरो
बस्न पनि कस्तो बसेछ यो लत मेरो

बिर्सुँ भन्छु मान्दैन मन, भरिन्छन् आँखा
नछुट्ने रहेछ आँसुसँगको संगत मेरो

मुस्कुराउँछु, बर्बराउँछु , चुपचाप हुन्छु
के-के भयो यो पागल जस्तै हर्कत मेरो

तिमी निर्दोष छ्यौ अदालत किन चाहियो ?
प्रमाण यहाँ, हाजीर छ मुटु साक्षत मेरो

कैद थिएँ म कैद गरिरहनु, जिन्दगी भरी
फुटाई दिन्छु दिल,लिन्छु जमानत मेरो

अस्विकार हो तिम्रो भगवान,तिम्रो देवता
हेरौँ कसले डगाउन सक्छ ताकत मेरो

• हिम शिखर
  अमेरीका