एउटै विद्यालयका ५६ जनालाई कोरोना संक्रमण

हुम्ला । विकट हिमाली जिल्ला हुम्लाको नाम्खा गाउँपालिकाको एउटा विद्यालयका ५६ जनालाई कोरोना संक्रमण पुष्टि भएको छ । नाम्खाको यालवाङस्थित एक छात्रावासमा बस्ने विद्यार्थी तथा सञ्चालकलाई कोरोना संक्रमण भएको हो ।

नाम्खा गाउँपालिकाको सीमा चीनको तिब्बतसँग जोडिएको छ । शिशुकक्षामा पढ्न जाने गरेका १९ जनासहित अधिकांश संक्रमित विद्यार्थी नै भएको नाम्खा गाउँपालिकाका अध्यक्ष विष्णुबहादुर लामाले जानकारी दिनु भएको छ । यो छात्रावासमा थुप्रैलाई कोरोना देखिएपछि जिल्लाभरिका सबै शैक्षिक संस्था बन्द गरिएको स्थानीय प्रशासनले जनाएको छ ।

महाबौद्ध माध्यमिक विद्यालयमा अध्ययन गर्न आउने बालबालिकाहरु बाजुरा, हुम्ला, डोल्पा, मुगु तथा काठमाण्डौंका रहेका जिल्ला स्वास्थ्य कार्यालय हुम्लाले जनाएको छ । कतिपय विद्यार्थीहरू हवाईमार्गबाट आएको र कतिपय बाजुरा हुँदै पैदल आएका थिय । जहाजबाट आएकाको परीक्षण भए पनि हिँडेर आएकाको परीक्षण गरिएको
थिएन ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

सम्बन्धित समाचार