625 पटक हेरिएको 
काठमाडौं, ९ असोज । नेपाल भाषा साहित्यका चार खम्बा मध्ये एक मानिएका महाकवि सिद्धिदास महाजुको १ सय ५४ जन्मजयन्ती विभिन्न कार्यक्रम सहित दिप प्रज्वलन गरी मनाएका छन् ।
नेवाः विध्यार्थी युनियनको आयोजनामा काठमाडौंको रत्नपार्कमा रहेको महाकवि सिद्धिदास महाजुको सालिकमा दिपप्रज्वलन गरी मनाएको हो । “भाषा रहे जाति रहन्छ” भन्ने मूल मन्त्रलाई आत्मसाथ गरी तत्कालीन राणा शासकहरुको दमनले मराणासन्न स्थितिमा पुगेको नेपाल भाषा साहित्यलाई पुनर्जागरण गराउन अतुलनीय योगदान दिएको स्मरणमा महाकवि महाजुलाई स्मरण गरी उनको जन्मजयन्ती मनाएको हो।
नेपालभाषा साहित्यमा सिद्धि रामायण लगायत दर्जनौं काव्य कविता लेखेका कविको जन्म नेपाल संवत् ९८७ यंलागा द्वितीया वि.स. १९२४ आश्विन १ गते काठमाडौंको जनबहाल, केलटोलमा जन्मेका उनले नेपालभाषा पुनर्जागरणका लागि आफ्नो पूरा जीवन सम्पर्ण गरेका थिए।
नेपाली भाषामा समेत साहित्य श्रृजना गरेका महाकविले सज्जन हृदयाभरण, सत्यसती, संवाद, सिद्धिदास थःगु मिखाय् व शिवविलास बाखं आदि दजनौ कृति पुस्तक रचना गरेका छन् । यस बर्ष कोरोना महामारी मध्यनजर गरी अघिल्ला बर्षमा झै मैन र्याली निकाल्न असमर्थ रहेकाले सामान्य तवरले दिप प्रज्वलन गरेर मनाउनु परेको नेवाः बस्ती नेवाः स्कुल अभियानका संयोजक दिपक तुलाधरले बताए । उनले भने –महाकवि महाजुले भाषिक क्षेत्रमा दिइएको अमुल्य योगदानको गुणानुस्मरण गरी जन्मोउत्सव मनाउदै आइरहेको बताउदै राज्यले आजका दिनसम्म उनलाई नसम्झीदा निकै दुःख लागेको छ ।
नेवाः विध्यार्थी युनियनका अध्यक्ष रीदेन महर्जन, सदस्य रितेश, मल्ल, सुमित दास रञ्जित तथा इन्द्रमान महर्जन, नेवाः देय् दबूका अध्यक्ष नरेश ताम्रकार, नेपालभाषा शिक्षक मदनसेन बज्रार्चाय, रमिता बज्रार्चाय नेपाल भाषा अध्ययनरत विध्याथी तथा मातुभाषाणरागी तथा भाषिक अभियान्ताहरूको समेत उपस्थितिमा रहेको थियो ।
